Маны аах Уопсастыба

Күөх Маайынан Горнай кырдьаҕастарыгар — саһаан бэлэх

Горнай улууһун киинигэр Бэрдьигэстээххэ «Доброволец» волонтердар этэрээттэрэ бэрт көдьүүстээх үлэни ыытар. Ол курдук, волонтердар үлэ, саас, эйэ бырааһынньыгар суббуотунньук тэрийэн бэтэрээннэргэ мас бэлэмнээн, дьиэлэригэр аҕалан, сааһаннаан биэрдилэр. Аҕам саастаах бэтэрээннэр үтүө дьыаланы оҥорбут волонтердар этэрээттэригэр кыһамньыларын иһин махталларын тиэртилэр.

Бэрдьигэстээх волонтердара ким тугу көрдөһөрүн кэтэспэккэ, бэйэлэрэ көрө сылдьан саҥаттан саҥа үтүө дьыаланы оҥорорго дьулуһуулара — бастыҥ холобур. Бу туһунан «Эдэр саас» саайтка Горнай улууһун землячествотын салайааччы Надежда Федорова иһитиннэрдэ.

Елена ПОТОЦКАЯ, «Саха сирэ» хаһыат, edersaas.ru

0
0