«Күөх Арассыыйа» субуотунньукка тыһыынчаттан тахса киһи кытынна

Ааптар: 
Бөлөххө киир:

Бүтүн Арассыыйатааҕы «Күөх Арассыыйа» субуотунньукка өрөспүүбүлүкэ тыһыынчаттан тахса олохтооҕо кытынна.

Быйыл балаҕан ыйын 3-24 күннэригэр ыытыллыбыт далааһыннаах тэрээһиҥҥэ Саха сирэ көхтөөхтүк кытынна. Өрөспүүбүлүкэ олохтоохторо мастары, талахтары олордоллор.

СӨ Экология, айылҕаны туһаныы уонна ойуур хаһаайыстыбатын министиэристибэтэ иһитиннэрбитинэн, субуотунньукка 1089 киһи кыттыыны ылбыт. 300 куб. м. кэриҥэ бөх-сах тиэйиллибит. «Өйдөбүнньүк саада» аахсыйа иитинэн, саас 6,5 тыһ. мас, талах арааһын Дьокуускайга, Намҥа, Томпоҕо, Өлүөхүмэҕэ, Тааттаҕа ойуур хаһаайыстыбатын үлэһиттэрэ олордубуттар. Сааскы кэмҥэ 5 тыһ. бэс, титирик Нерюнгри, Дьааҥы, Горнай оройуоннарыгар олордуллубут.

Аахсыйаҕа кыттааччы ахсаана сыллата элбээн иһэр. Бүтүн Арассыыйатааҕы «Күөх Арассыыйа» субуотунньук кыттыылаахтара Маҕан суолугар 7 км сиргэ ойууртан 103 мөһөөччүк бөҕү-саҕы хомуйбуттар. Экологическай аахсыйаҕа араас тэрилтэлэртэн, волонтердар түмсүүлэриттэн уонна үрдүкү салалтаттан барыта 11 хамаанда кыттыбыт.

Бу тэрээһин иитинэн, норуоттар икки ардыларынааҕы Арктика оскуолатын кампуһун иитиллээччилэрэ «Чистота снаружи – чистота внутри» экологическай субуотунньугу ыыттылар, оскуолаларын сирин-уотун хомуйдулар.

«Күөх Арассыыйа» — Арассыыйатааҕы экологическай уопсастыбаннай хамсааһын. 2013 сылтан тэрийээччилэр тулалыыр эйгэҕэ эппиэтинэстээх сыһыаҥҥа үөрэтэр туһуттан маннык  тэрийэллэр. Субуотунньук дойдуга биир саамай маассабай экологическай тэрээһин.

Хаартыска СӨ Экология министиэристибэтин пресс-сулууспатыттан.

+1
0
+1
0
+1
0
+1
0
+1
0
+1
0
+1
0