От ыйын ортото буолла, сотору атырдьах ыйа буолуо. Ону кытары күһүҥҥү кус ытыата саҕаланыа. Күһүн кустаабатахтар дьэ онно туттуммахтаан хаалыахтара турдаҕа. Аны туран, сорохтор кыылга сылдьыахтара. 2017 сылга күһүҥҥү куска уонна кыылга бултааһын болдьоҕо Ил Дархан Ыйааҕынан бигэргэннэ.
Атырдьах ыйын 15 күнүттэн алтынньы 20 күнүгэр диэри бары улуустарга чөкчөҥөө, бараах, үгүрүө бииһин ууһугар бултааһын көҥүллэнэр.
Атырдьах ыйын 19 күнүттэн алтынньы 20-гэр диэри чөкчөҥөө, бараах бииһин сэргэ, кураанах кустарга Алдан, Амма, Үөһээ Бүлүү, Бүлүү, Горнай, Кэбээйи, Ленскэй, Мэҥэ Хаҥалас, Миирнэй, Нам, Нерюнгри, Өймөкөөн, Өлүөхүмэ, Сунтаар, Таатта, Томпо, Уус Алдан, Уус Маайа, Хаҥалас, Чурапчы улуустарыгар уонна Дьокуускайга булт сезона аһыллар.
Мас көтөрдөрүгэр (улар, бочугурас, куртуйах) Амма, Горнай уонна Хаҥалас улуустарыттан атыттарга атырдьах ыйын ахсынньы 31 күнүгэр диэри көҥүллэнэр.
– Аммаҕа атырдьах ыйын 19 күнүттэн сэтинньи 20 күнүгэр диэри;
– Горнайга атырдьах ыйын 19 күнүттэн ахсынньы 1 күнүгэр диэри;
– Хаҥаласка атырдьах ыйын 19 күнүттэн сэтинньи 15 күнүгэр диэри.
Үрүҥ курупааскы уонна хабдьы:
– Абый, Аллайыаха, Анаабыр, Булуҥ, Үөһээ Халыма, Дьааҥы, Эдьигээн, Муома, Аллараа Халыма, Өймөкөөн, Өлөөн, Орто Халыма, Усуйаана, Эбээн Бытантай улуустарыгар атырдьах ыйын 19 күнүттэн муус устар 20 күнүгэр диэри;
– Алдан, Амма, Үөһээ Бүлүү, Бүлүү, Горнай, Кэбээйи, Ленскэй, Мэҥэ Хаҥалас, Миирнэй, Нам, Нерюнгри, Ньурба, Өлүөхүмэ, Сунтаар, Таатта, Томпо, Уус Алдан, Уус Маайа, Хаҥалас, Чурапчы улуустарыгар уонна Дьокуускай куоракка атырдьах ыйын 19 күнүттэн ахсынньы 31 күнүгэр диэри сезон аһыллар.
Туйахтаах кыылларга
Тайах
Амма, Горнай уонна Хаҥалас улуустарыттан атыттарга алтынньы 1 күнүттэн ахсынньы 15 күнүгэр диэри көҥүллэнэр.
Аммаҕа алтынньы 1 күнүттэн сэтинньи 20 күнүгэр диэри;
Горнайга алтынньы 1 күнүттэн ахсынньы 1 күнүгэр диэри;
Хаҥалас алтынньы 1 күнүттэн сэтинньи 15 күнүгэр диэри.
Кыыл таба
Абый, Анаабыр, Аллайыаха, Булуҥ, Эдьигээн, Орто Халыма, Өлөөн, Орто Халыма, Усуйаана улуустарыгар атырдьах ыйын 1 күнүттэн кулун тутар 15 күнүгэр (2018 сыл) диэри;
Дьааҥы, Үөһээ Халыма, Муома, Өймөкөөн, Томпо, Эбээн Бытантай улуустарыгар атырдьах ыйын 1 күнүттэн ахсынньы 15 күнүгэр диэри;
Алдан, Үөһээ Бүлүү, Бүлүү, Кэбээйи, Ленскэй, Мэҥэ Хаҥалас, Миирнэй, Нам, Нерюнгри, Ньурба, Өлүөхүмэ, Сунтаар, Таатта, Уус Алдан, Уус Маайа, Чурапчы улуустарыгар уонна Дьокуускайга алтынньы 1 күнүттэн ахсынньы 15 күнүгэр диэри.
Туртас
Амма, Горнай, Хаҥалас улуустарыттан атын улуустарга алтынньы 1 күнүттэн ахсынньы 15 күнүгэр диэри бултанар көҥүллэнэр.
Аммаҕа алтынньы 1 күнүттэн сэтинньи 20 күнүгэр диэри;
Горнайга алтынньы 1 күнүттэн ахсынньы 1 күнүгэр диэри;
Хаҥалас алтынньы 1 күнүттэн сэтинньи 15 күнүгэр диэри.
Чубуку
Бары улуустарга атырдьах ыйын 1 күнүттэн сэтинньи 30 күнүгэр диэри көҥүллэнэр.
Бүүчээн
Бары улуустарга сэтинньи 1 күнүттэн ахсынньы 31 күнүгэр диэри бултуур көҥүллэнэр.
Хагдаҥ эһэ
Бары улуустарга атырдьах ыйын 1 күнүттэн сэтинньи 30 күнүгэр диэри бултуур көҥүллэнэр.
Александр ТАРАСОВ, «Саха сирэ» хаһыат, edersaas.ru