Дойду Төрүт Сокуонугар уларытыылары киллэрэргэ куоластааһын бу ый 25 күнүттэн ыытылла турар. Улуус, нэһилиэк ахсын куоластыыр учаастактар тэриллэннэр, бары ирдэбиллэр тутуһуллаллар.
Нам улууһун 337-с №-дээх Көбөкөннөөҕү куоластыыр учаастактан иһитиннэрбиттэринэн, нэһилиэккэ испииһэгинэн 322 куоластыахтаах. Бэҕэһээҥҥи чахчынан, уопсайа, 94 киһи куоластаабыт. Оттон 26 киһи дьиэлэриттэн олорон куоластыырга сайабылыанньаламмыттар. Кинилэргэ хамыыһыйа чилиэннэрэ дьиэлэригэр тиийэллэр. Маны сэргэ, Көбөкөҥҥө быйыл түөрт эдэр ыччат аан бастаан куоластыыр.
Коронавирус дьаҥын бохсор туһуттан, бары санитарнай ирдэбиллэр тутуһуллаллар. Дьаҥтан-дьаһахтан харыстанар сириэстибэлэринэн толору хааччыллыбыттар. Кыраапыгынан куоластыы кэлээччилэр икки ардыларыгар тутуһуллуохтаах бэлиэлэр оҥоһуллубуттар.
+1
+1
+1
+1
+1
+1
+1