Улуу Кыайыы 75 сылынан, өйтөн суруйууга, өрөспүүбүлүкэҕэ кэтэхтэн күөн күрэс ыытыллар.
Арассыыйаҕа — Албан аат, өрөспүүбүлүкэҕэ — Ийэ дойдуга бэриниилээх буолуу сылларынан, «КИНИЛЭР КЫАЙЫЫНЫ УҺАНСЫБЫТТАРА» диэн өйтөн суруйуу күөн күрэһин А.Е.Кулаковскай аатынан норуоттар доҕордоһууларын дьиэтин норуоттар сыһыаннаһыыларын эйгэтигэр үөрэтэр-методологическай киин оҥордо. Тэрээһин СӨ Тас сибээскэ уонна норуоттар дьыалаларыгар министиэристибэ итиэннэ СӨ норуоттарын ассамблеятын өйөбүлүн ылла.
Күрэскэ 5-11 кылааска үөрэнэр орто оскуолалар, лиссиэйдэр, гимназиялар үөрэнээччилэрэ, оҕо дьиэтин, оскуола-интэринээт иитиллээччилэрэ кытталлар.
Сүрүн сорук — өйтөн суруйуу куонкуруһугар, чугас дьоннорун (Аҕа дойду улуу сэриитин, тыыл бэтэрээнин, сэрии сылларын оҕолорун) тустарынан сырдатыахтарын сөп.
Дьүүллүүр сүбэ ааптар санаатын арыйарыгар, тиэмэҕэ сөп түбэһэригэр, дойду устуоруйатыгар суолтаны уурарыгар, санаатын сааһылаан өйдөнүмтүөтүк тиэрдэригэр соругу туруорар.
Үлэлэри Word таҥаҕыт. Кээмэйэ 1-3 сирэй (сириип — 14 Times New Roman). Күөн күрэс босхо ыытыллар.
Күрэс кулун тутар 1 күнүттэн алтынньы 15 күнүгэр диэри болдьохтоох.
Кыайыылаахтары уонна кыттыбыттары наҕараадалааһын бу сыл сэтинньи 4 күнүгэр былааннанар.
Сайаапкаларгытын уонна өйтөн суруйууларгытын: aynapavlova1982@mail.ru biblioteka.ddnkulakovksogo@mail.ru аадырыстарга ыытаҕыт. Өйтөн суруйуу диэн бэлиэтиигит.
Ыйытыылаахтар 8 (924) 5958231 Павлова Айна Ивановнаҕа эрийэҕит.
