“Йокогама” аан дойду саамай саастаах футболиһын кытта контрагын уһатан биэрдэ

Япония иккис дивизионугар оонньуур “Йокогама” футбол кулууба 51 саастаах форвардын Кадзуйоси Миуройы кытта контрагын уһатан биэрдэ. Бу туһунан кулууп сайта иһитиннэрдэ.

Билиҥҥи кэмҥэ Миурой аан дойду саамай саастаах идэтийбит футболиһынан ааҕыллар. Ааспыт сезоҥҥа кини дойду чөмпүйэнээтигэр тоҕус оонньууга кыттыбыта эрээри, биир да мээчиги кыайан киллэрбэтэҕэ.

Кадзуйоси Миурой 2017 сыллаахха гол киллэрбит саамай аҕа саастаах футболиһынан ааҕыллан, устуоруйаҕа киирбитэ. 1992 сыллаахха Япония хамаандатын састаабыгар Азия чөмпүйүөнүнэн буолбута. Дойдутун сүүмэрдэммит хамаандатыгар 89 матчка оонньоон, барыта 55 мээчиги киллэрбитэ.

Роман Попов

Хаартыска Интэриниэттэн ылылынна