Дьокуускай куораттан сөмүлүөтүнэн биллиилээх «Земляне» рок-бөлөх Өймөкөөн улууһун Уус Ньара бөһүөлэгэр көтөн кэллилэр. Кинилэр бүгүн Уус Ньара бөһүөлэгин «Металлург» култуура дьиэтигэр олохтоохторго анаан кэнсиэртиэхтэрэ. edersaas.ru
«Земляне» Сэбиэскэй кэм саҕана оччотооҕу эстрадаҕа рок-музыка элэмиэннэрин аан бастакынан киллэрбитэ. Кинилэр биллибит уонна норуот кутун туппут ырыаларынан «Трава у дома», «Каскадеры», «Прости, земля», «Маленький кораблик», «Путь домой», «Каратэ» буолаллар.
Анастасия Васильева, Уус Ньара бөһүөлэгин олохтооҕо:
— Эдэр сылдьан кумир оҥостубут рок-бөлөҕү уун-утары олорон эрэ истэрбиттэн аатынан сылдьабын. Дьэ дуоһуйа көрүөхпүт, истиэхпит буоллаҕа. «Янтарь» хампаанньа салайааччыта Александр Карась Кыайыы күнүгэр маннык хабааннаах тэрээһини ыытара олус үчүгэй.
Сарсын, Улуу Кыайыыны өрөгөйдүүр күҥҥэ 17:00 чаастан эмиэ «Металлург» култуура дьиэтигэр «Земляне» рок- бөлөх сүрүн солиһа (фронмент), Сэбиэскэй кэм уонна Россия биллиилээх рок-музыкана Сергей Скачков аатырбыт, биллибит хиттарын толоруоҕа.
Санатар буоллахха, рок-бөлөх Өймөкөөн оройуонугар саамай элбэх көмүһү хостуур «Янтарь» хампаанньа көҕүлээһининэн, өйөбүлүнэн кэллэ.
Александр Тарасов, «Саха сирэ» хаһыат, edersaas.ru