Өймөкөөҥҥө саҥа төрөөбүт кулунчук «Бэрэсидьиэн» диэн ааттанна

Ааптар: 
Бөлөххө киир:

Саха сүөһүтэ” генефонднай хааһына тэрилтэтин дириэктэрэ Александр Артемьев суолу баттаһа ыраах Өймөкөөҥҥө, Томпоҕо сылдьан кэлбитин туһунан биһиги суруйан турабыт.

edersaas.ru

Александр Артемьев төрүт сүөһүнү иитиигэ идэтийэр хааһына тэрилтэтин салайааччыта буоларын таһынан, Саха Өрөспүүбүлүкэтин бааһынай хаһаайыстыбаларын уонна кэпэрэтииптэрин Ассоциациятын (АККОР) бэрэсидьиэнэ буолар. Онон, бу икки улуус бааһынайдарын кытары эмиэ көрүстэ.

Өймөкөөн улууһун Томтор нэһилиэгэр сылгы иитэр бааһынай хаһаайыстыбалар үлэлэрин-хамнастарын билистэ. Уһун, тымныы кыһыннаах, тыйыс айылҕалаах Өймөкөөн биир чулуу сылгыһыта Артём Посельскай сылгыны иитиигэ өр сыллаах үтүө суобастаах үлэтэ сиэрдээхтик сыаналанан, быйыл «Саха Өрөспүүбүлүкэтин тыатын хаһаайыстыбатын туйгуна» диэн аатынан бэлиэтэммитэ. «АККОР» Бэрэсидьиэнэ ол наҕарааданы илдьэ баран, Артем Владимировичка үөрүүлээх быһыыга-майгыга туттарда.

Болдьообут курдук, сити күн «Сыһыы» бааһынай хаһаайыстыбатыгар биир биэ төрөөтө. Ол үөрүүтүгэр сылгыһыттар:

Бааһынайдар үлэбитин-хамнаспытын сүрүннүүр-салайар бэрэсидьиэммит кэлэ сылдьыбытынан, кулунчукпутун «Бэрэсидьиэн» диэн ааттыыбыт, – дэстилэр.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0