Өймөкөөҥҥө Олоҥхо ыһыаҕар бэлэмнэнии

Ааптар: 
Бөлөххө киир:

Өймөкөөҥҥө Олоҥхо ыһыаҕар бэлэмнэнии саҕаланна. Бу туһунан СӨ Ил Дархана Айсен Николаев социальнай ситимнэринэн быһа эпииргэ киирбит ыйытыыга хоруйдаата.

Олоҥхо ыһыаҕар эрдэттэн бэлэмнэниигэ ананар үгэс буолбут научнай-практическай кэмпириэнсийэни быйыл балаҕан ыйыгар ыытарга быһаарбыттар.
«Научнай-практическай кэмпириэнсийэ сүрүн суолтаны ылар. Тэрийээччилэр оройуон туһунан ымпыктаан-чымпыктаан билэллэр, үгэһи, сиэри-туому, уруккуну үчүгэйдик билэр дьону-сэргэни кытта билсэллэр, тус уратыны билэргэ-көрөргө дьулуһаллар уонна итини барытын ыһыахха көрдөрөргө, сырдатарга туһаналлар», — диэн этэр Айсен Николаев. Чинчийээччилэр улууска матырыйаал хомуйа номнуо сылдьыбыттар. Хомуллубут иһитиннэриилэр научнай-чинчийэр үлэҕэ туһаныллаллар.
Олоҥхо ыһыаҕа кыраапыгынан ыытыллыаҕа:  2023 сылга – Өймөкөөн улууһугар, 2024 сылга — Амма улууһугар, 2025 сылга — Нерюнгри оройуонугар.
Санатан эттэххэ, быйыл Үөһээ Бүлүүгэ Олоҥхо ыһыаҕар түмүккэ Ытык Дуоҕа Өймөкөөн оройуонун бэрэстэбиитэллэригэр туттарыллыбыта.
Хаартыскалар Андрей Сорокин (СИА) түһэриилэрэ
+1
0
+1
0
+1
0
+1
0
+1
0
+1
0
+1
0