Уопсастыба

Өймөкөөҥҥө оҕолор сайыҥҥы сынньалаҥнарыгар үлэлииллэр

Сайын оскуола үөрэнээччилэрэ сынньаналларын сэргэ, өссө туһалаах үлэнэн дьарыктаналлар, харчылаһар да кыахтаналлар.

Холобур, Өймөкөөн оройуонугар сайыҥҥы сынньалаҥнарын кэмигэр 58 оҕо үлэлиир. Сайын саҕаланыаҕыттан үлэ биэрээччилэри кытары тоҕус дуогабар түһэрсиллибит. Төрүт дьаһалтатын, 2-с Бороҕон, Үчүгэй, Сордоҥноох нэһилиэктэрин, Уус Ньара бөһүөлэгин кытары. Ону таһынан «Альянс» ХЭУо,  Өймөкөөн оройуонунааҕы киин балыыһаны, «Западная» хампаанньаны, ИП Г.Л.Зарянскаяны кытары дуогабарга илии баттаныллыбыт. Улаатан эрэр оҕолор үлэ булалларыгар нэһилиэнньэ дьарыктаах буолуутун киинэ көмөлөһөр.
Сайыҥҥы сынньалаҥнарын кэмигэр үлэлиэн баҕалаах оҕолор сири-уоту тупсарыыга, сорохтор тэрилтэ үлэһиттэригэр көмөлөһөөччүлэринэн, онтон да атыны үлэлииллэр. Сокуоннай саастарын туола илик оҕолорго үлэ кодексата тутуһуллар.
Аахсар хамнастара түһэрсиллибит дуогабартан, оҕолор толорбут үлэлэриттэн тутулуктаах. Онно эбии хас биирдии үлэлиир оҕоҕо дьарыктаах буолуу киинэ 4 732,50 солк. материальнай өйөбүлү оҥорор.
0
0