Өймөкөөн “ньыгыллара” туорт амсайдылар

Ааптар: 
Бөлөххө киир:

Бу күннэргэ Өймөкөөн улууһугар “Биир ньыгыл Арассыыйа” баартыйа 15 сыллаах үбүлүөйүгэр анаммыт отчуоттуур-быыбардыыр кэмпириэнсийэ буолан ааста.

Баартыйа улуустааҕы салаатын муниципалитет баһылыга Михаил Захаров салайар.

— Улууска “Биир ньыгыл Арассыыйа” баартыйа кэккэтигэр бүгүҥҥү күҥҥэ 377 киһи чилиэн быһыытынан учуокка турар. Баартыйа састаабар сүрүннээн тыа хаһаайыстыбатын, култуура уонна доруобуйа харыстабылын үлэһиттэрэ, педагогтар бааллар. Уочараттаах кэмпириэнсийэ биир сыл анараа өттүгэр буолбута. Бу кылгас кэм иһигэр үгүс тэрээһиннэри ыыттыбыт, — диэн бэлиэтээтэ Михаил Захаров отчуотун кэмигэр.

Салгыы баартыйа салайааччыта быйылгы сылга ыытыллыбыт тэрээһиннэртэн ордук спорт эйгэтигэр улуус инники күөҥҥэ сылдьыбытын иһитиннэрдэ. Ону тэҥэ сайыҥҥы кэмҥэ сынньалаҥ лааҕырын базатыгар олимпийскай резервэ оскуолата үлэлээбитин, кыһыҥҥы туризм бэстибээлиттэн кыым саҕан, быйыл баартыйа көҕүлээһининэн “Тымныы полюһа” бренди пропагандалыыр уопсастыбаннай тэрилтэ үлэтин саҕалаабытын кэпсээтэ. Маны таһынан үбүлүөйдээх тэрээһиннэр эмиэ баартыйа өйөбүлүнэн ыытыллыбыттар.

Быйыл суолталаах Государственнай Дума быыбарыгар «Биир ньыгыл Арассыыйа” баартыйаҕа быыбардааччы 52, 03% ол эбэтэр 2011 сыллааҕы быыбардааар 3 % элбэх киһи куолаһын бу баартыйа туһатыгар биэрбит.

Быйылгы күһүҥҥү быыбарга быыбардааччылар 83 % ылан, баартыйа чилиэннэрэ Никифор Протопопов “II Бороҕон нэһилиэгэ”, Иван Максимов «Сордонноох нэһилиэгэ” муниципальнай тэриллиилэр баһылыктарынан талылыннылар. Ону тэҥэ Томторго бэрэстэбиитэллэх уорганнар депутаттара 86%, Сордоҥнооххо 100% — “ньыгыллар”.

Кэлэр сылларга быыбар цикла саҥа үктэлгэ тахсыаҕа. Ол курдук, 2017 сылга – улуус муниципалитетын баһылыгын быыбара. 2018 с. — РФ Президенин, Ил Түмэн депутаттарын быыбара. 2019 сылга – Ил Дархан дуоһунаһыгар быыбар.

Онон баартыйа үлэтин сонун хайысхалаах гына ис хоһооннуурга туһаайан, мунньах кэккэ быһаарыы ылынна.

“Биир ньыгыл Арассыыйа“ баартыйа чилиэннэрэ бэйэлэрин салайааччыларынан Михаил Захаровы хаттаан биир санаанан таллылар.

Елена ПОТОЦКАЯ.

           

+1
0
+1
0
+1
0
+1
0
+1
0
+1
0
+1
0