Өймөкөөн баһылыгын быыбара

Ааптар: 
Бөлөххө киир:

Саха сиригэр Өймөкөөн улууһун баһылыгын быыбара буолан ааста. Муниципальнай тэриллии баһылыгын дуоһунаһыгар 4 киһи кытынна. Куоластааһын барыллаан түмүгэ таҕыста.


“Биир ньыгыл Арассыыйа” баартыйа туруорбут хандьыдаата Иннокентий Сивцев барыларынааҕар элбэх куолаһы ылла. Киниэхэ 1371 киһи куолаһын биэрдэ (58,4 %). Бэйэтэ туруоруммут Игорь Водовозов иһин 569 быыбардааччы куоластаата (24,9 %), Виктор Адамовскайга (бэйэтэ туруоруммут) — 215 киһи (6,2 %), Владислав Житеневка (ЛДПР) – 145 киһи (6,2 %).
Быыбарга туох да кэһии тахсыбата, үҥсүү киирбэтэ.

Ыспыраапка:
Иннокентий Сивцев 35 саастаах, Өймөкөөн улууһун Томтор с. төрүттээх. Санаттахха, кини “Биир ньыгыл Арассыыйа” баартыйа ыыппыт барыллаан куоластааһыныгар ити кэмҥэ оройуон баһылыгын э.т. олорбут Игорь Водовозовы кыайбыта.
Оройуон урукку баһылыга Михаил Захаров дуоһунаһын аһары туһанан, холуобунай дьыала тэриллэн, боломуочуйатын тохтоппута.
Иннокентий Сивцев үлэтэ:
15.06.2005– 26.06.2007 сс. – Сахастройматериалы” ХЭТ маастара;
2007-2009 г.г., 2012-2015 сс.. – СӨ Архитектураҕа уонна тутууга комплексын министиэристибэтин отделын сүрүн исписэлииһэ, кылаабынай исписэлииһэ, салайааччыта;
10.03.2015–09.07.2019 – “Эксплуатациялыыр-тэхиньиичэскэй хааччыйыы сулууспата” тэрилтэ дириэктэри солбуйааччыта, хантыраагы түһэрсиигэ сулууспатын салайааччыта, дириэктэрэ;
09.07.2019 с. билиҥҥэ диэри – СӨ ИЛ Дарханын уонна бырабыыталыстыбатын дьыалаларыгар управлениетын “СЭТО” тэрилтэ дириэктэрин бастакы солбуйааччы.

СИА.

Бэлэмнээтэ Женни Стрюкова.

+1
0
+1
0
+1
0
+1
0
+1
0
+1
0
+1
0