Бүгүн — алтынньы 21 күнэ. Өрөспүүбүлүкэ бары улуустарыгар кыстык хаар түһэн, идэһэ кэмэ саҕаламмыт буоллаҕына, Тымныы полюһугар — Өймөкөөҥҥө күн бүгүҥҥэ диэри хаар түһэ илик!
edersaas.ru
Олохтоохтор кыһыннарын кэтэһэн, хаардарын ахтан, сарсыарда аайы түннүкэригэр «баҕар, хаар кыыдамныыра буолаарай…» диэн чугаһыыллар да, хаар суоҕун курдук суох.
Бүгүн батсаапка тарҕаммыт хаартыскаҕа көстөрүнэн, Томтор нэһилиэгэр күн чаҕылыйан, сааскылыы халлаан. Олохтоохтор «кыһыммыт хаара суох ичигэс күннэрин «иэстэһэн», киһи тулуйбат тымныытын аҕалара буолуо» диэн сэрэхэдийэллэр.
Норуот синоптига Тускултан бу туһунан ыйыппыппар: «Куттанарга төрүөт суох. Быйыл кыһын Саха сирин саамай тымныы улуустарыгар Өймөкөөҥҥө уонна Дьааҥыга — сылаас кыһын», — диэн быһаарда. Оттон тоҕо маннык күн-дьыл турарын, быйылгы кыһын уратытын, сыстыганнаах дьаҥ кэмигэр доруобуйаны туох бөҕөргөтөрүн туһунан сиһилии «Саха сирэ» хаһыат кэлэр нүөмэригэр Тускулу кытта кэпсэтиибин ааҕаарыҥ.
Елена ПОТОЦКАЯ, «Саха сирэ» хаһыат, edersaas.ru
Хаартыска социальнай ситимнэртэн