Өймөкөөҥҥө альпинистар сүлүөттэрэ түмүктэннэ

Ааптар: 
Бөлөххө киир:

Өймөкөөн улууһугар бу күннэргэ «Тымныы полюһа» диэн альпинистар сүлүөттэрэ түмүктэннэ . Манна спордунан, туризмынан, альпинизмынан дьарыктанар дьон кыттыыны ыллылар.


Саха АССР 100 сылыгар анаммыт альпинизм сүлүөтүгэр Саха сирэ, Арассыыйа, Сибиир бөдөҥ куораттарыттан спорду уонна туризмы сөбүлүүр дьон кэлэн, үрдүк хайалары дабайдылар. Тэрээһиҥҥэ СӨ альпинизм уонна хайаҕа тахсыы уопсастыбаннай тэрилтэ салайааччыта Алексей Семенов, «Тымныы полюһа» альпинистар сүлүөттэрин салайааччыта Александр Спиридонов ону таһынан спорт маастардара, быыһыыр этэрээттэр үлэһиттэрэ кыттыыны ыллылар.


Тэрээһин бочуоттаах ыалдьытынан Арассыыйа үтүөлээх айанньыта Валерий Богомолов хайаҕа ыттыаҕын  баҕалаах дьон элбээбититтэн үөрэрин бэлиэтээтэ. Кини улуус дьаһалтатын баһылыга Иннокентий Сивцевкэ төрөөбүт оройуонугар туризмы сайыннарыыга кэскиллээх бырайыактары олоххо киллэриигэ үлэлэһэригэр истиҥ махталын тиэртэ.
Уопуттаах альпинист, Арассыыйа 5 төгүллээх чөмпүйүөнэ Евгений Дмитриенко салайааччылаах спортсменнар альпинистар сылдьалларыгар анаан маршруттары тэллилэр (мультипитч), аттардылар.
Сүлүөт кэмигэр альпинистар спортивнай разрядтары туттардылар, араас албаска, ньымаҕа үөрэннилэр. Онон туһалаах тэрээһин буолан ааста.

Елена ПОТОЦКАЯ, «Саха сирэ»хаһыат

Хаартыскаларга Юлия Фролова («Северная заря» хаһыат) түһэриитэ.

+1
0
+1
0
+1
0
+1
0
+1
0
+1
0
+1
0