Мин өбүгэлэрбиттэн хаалбыт улахан хопполоохпун. Эһэм Марков Иннокентий Николаевич дьиэ кэргэнин хоппото.
Үрдүгэ — 80 см, уһуна — 217 см, кэтитэ — 73 см. Хаптаһын маһынан оҥоһуллубут. Хатыҥ туоһун холбоон оҥорбуттар. Быһааран биэрдэххэ, үрдэ кэтит үс хаптаһын, ону курдат тиспиттэр, хатыҥ туоһунан. Муннуктара ынах тириититтэн оҥоһуллубут быанан тиһиллибиттэр. Хоппо биир да түннүгэ-үөлэһэ суох ампаарга турбут буолан, мастара сырдыктар.
Эһэм 1901 с. төрөөбүт, орто дойдуттан 1996 сыллаахха барбыта. Аҕа дойду уоттаах сэриитин бэтэрээнэ.
Маны сэргэ кинилэртэн хаалбыт кытыйалаахпын. Элбэх туттар мал, иһит-хомуос баарын Чөркөөх музейыгар биэрбит. Ол кэнниттэн хаалбыттары биһиги, сиэннэрэ илдьэ сылдьабыт.
Онтон бу эһэм аах ыскааптара. Түөстээх ыскаап. Саҥардыллан лаахтанан турар. Билигин балаҕан киэргэлэ буолан турар. Туттабыт, иһит-хомуос уурабыт.
Мария Маркова,
Таатта, Ытык Күөл
Хаартыскалар М.Маркова тиксэриитэ