- Бу тэрил мин илиибэр 1960 сыл саҥатыгар киирбитэ. Сайын Сунтаар Бэс Күөлүн пиэримэтин сайылыгар олорон, оччотооҕу оҕолор өтөхтөрү кэрийэр этибит.
Биирдэ, уончалаах оҕолор иккиэ буолан, Көтөрдөөх диэн сиргэ баай Доҕордукааннар өтөхтөрүгэр тиийэн хаалбыппыт. Балаҕаҥҥа үөһээ долбуурдарга чороон, кытыйа арааһа баара. Оннук биир улахан кытыйа иһигэр бу тэрил (хаартыскаҕа көр) сытара.
Быһах диэҕи, быһахха майгыннаабат. Топ-токур, икки өттүнэн биилээх. Болтоҕор, дэлби элэйбит уктааҕа. Олус эргэ. Угун төрдө алдьанан, тимирэ босхо барбыт этэ. Ону, аармыйаттан кэлэн баран, 1970 сыллаахха хос уктаабытым. Бу хамыйах, кытыйа, чороон хаһар саха ууһун биир сүрүн тэрилэ. Бу тэрили 150-ча сыллаах диэн саныыбын. Хаартысканы көрүҥ.
Валерий Михайлов,
Дьокуускай
Хаартыска В.Михайлов тиксэриитэ.
+1
+1
+1
+1
+1
+1
+1