19 үйэ ортотугар Дүпсүн улууһун кинээһэ Попов Владимир Петрович (1859-1907) сундууга. Попов В.П. хос-хос сиэнигэр Готовцева-Попова Е.В. хараллан турар. Елена Васильевнаҕа ийэтэ Попова — Жиркова Надежда Прокопьевна бэлэхтээбит.
Кэһиэччик 19-с үйэҕэ тигиллибит. Бу кэһиэччиги ийэбит Жиркова Надежда Прокопьевна эдэр эрдэҕинэ тастыҥ эдьиийэ бэлэхтээбитэ үһү. Бу кэһиэччиги хаартыскаҕа кэккэлэһэ турар игирэ аҥаарбар Натальяга ийэм: “Ырыаһыт оҕобор”, — диэн биэрбитэ. Хаартыскаҕа эдьиийим кэһиэччигин кэтэн түспүтүм, 2011 сыллаахха. Оҕуруота наһаа бытархай, тимэҕэ сиэдэрэй этэ.
Ону сэргэ, бу хаһан да хатыламмат ытык төрөппүттэрбит күндү малларын хаартыскаларын ыытабыт. Хараҕым харатын курдук харыстыыбын. Кэлин кыыспар Анастасияҕа хаалларар баҕалаахпын. Сиэннэр, хос сиэннэр көрө сылдьыахтара диэн эрэнэбин. Хаартыскалары көрүҥ.
Елена Готовцева-Попова,
Уус Алдан, Мындааба.
Хаартыска Е.Готовцева тиксэриитэ.