Дьокуускай куораттан 85 саастаах М.Е.Семенова «Үйэлээх мал» («Өбүгэм ситимэ») куонкуруска дьоммуттан-сэргэбиттэн миэхэ хаалбыт малы-салы хаартыскаҕа түһэттэрэн ыытабын.
Мин 4-5 саастаахпар эбэм былаат биэрбитэ. Мин саастыы эбитэ дуу, миигиттэн 2-3 сылынан аҕа эбитэ дуу, сиэн кыыһы ииттэ ылбыттар этэ. Ол кыыс ыарыһах эбит, куруук ороҥҥо сытара. Кини аттыгар олорон оонньуурум. Ол кыыс барахсан суох буолбутун кэнниттэн, эбэлээх эһэм былааты миэхэ биэрбиттэрин өйдүүбүн. Хас сыллааҕытын этэр кыах суох. Былаат остуоруйата итинник.
Онтон туус кутар иһити (солуоҥканы) уонна мас сыыһын ылар искэҕи эбэм аах ийэбэр эдэр эрдэҕинэ биэрбиттэрэ үһү. Туус иһитин түгэҕэр 84 диэн бэлиэ баар. Дьэс маньыаты дьүөгэм: «Маны ыалдьар сиргэр сыһыараҕын, оччоҕо ыарыытын оборон ылар үһү», — диэн биэрбитэ. Дьэ, бу маллар остуоруйалара итинник. Хаартыскаларга көрүҥ.
Мария Семёнова,
Дьокуускай.
Хаартыскалар М.Семенова тиксэриилэрэ