«Үйэлээх мал» («Өбүгэм ситимэ») куонкуруска уура сылдьар малбытын-салбытын хаартыскаҕа түһэрэн ыытабын.
Биһиэхэ икки сылабаар баар. Биирэ 1896 сыллаах, Тула диэн суруктаах. Бу бэлэх Тааттаттан кэлбит буолуон сөп. Итини сэргэ 1905 с., 17 мэтээллээх эмиэ Тула диэн суруктаах сылабаар. Бу, арааһа, Таатта диэкиттэн (Томпоттон) аҕалыллыбыт буолуон сөп. Маны таһынан, кымыс баһар улахан хамыйахтаахпыт, Өлүөхүмэ улууһугар баай дьон олорбут өтөхтөрүттэн булбуттара. Итиэннэ эмиэ Өлүөхүмэ улууһугар, кэргэним эбэтин дьиэтин үрдүттэн буорга кистэммит таҥара мэтириэтэ (икона) көстүбүтэ. Өссө Екатерина I саҕанааҕы (1725 с.) манньыат, биир солкуобайдаах “САМОДЕРЖИЦА” бэлэхтээбиттэрин уура сылдьабыт. Хаартыскалары көрүҥ.
Татьяна Захарова,
Дьокуускай
Хаартыскалар Т.Захарова тиксэриилэрэ