Өбүгэ саҕаттан илдьэ сылдьар түөскэ кэтиллэр «сүрэх» киэргэл туһунан кэпсиэхпин баҕарабын.
Аҕам ийэтэ, эбэм Евдокия Прокопьевна ийэтиттэн хаалбыт киэргэлин алын сүһүөх кылааска үөрэнэ сылдьан ууран кэбиспитим. Оҕо сылдьан аахайбат этибит. Сервант тардыытыгар өр сыппыта. Уһун, толору соҕус этэ. Дөрүн-дөрүн ылан оонньуур этибит. Сороҕун онно да сүтэрбиппит буолуо.
Устудьуоннуу киирэн баран ювелирдары кытары алтыһан, үрүҥ көмүс буоларын билбитим. Биирдэ ювелирнайга көрдөрбүппэр, ыраастаан биэрбиттэрэ. Онно өйдөөбүтүм, хайдах курдук кэрэтин. Уонна дьиэбэр илдьэн ыраах ууран кэбиспитим. Кэлин итэҕэһин оҥотторон, аныгы олох сиэринэн сиэл киллэрэн, алгыска кэтэбин. Хомойуох иһин хос эбэм аатын билбэппин. Бу кыыһыгар Евдокия Прокопьевнаҕа хаалларбыт киэргэлэ буолар. Ол хос сиэнигэр миэхэ тиксибититтэн үөрэбин. Ситим салҕанар. Дьиэ кэргэммит харысхала оностон үйэ саас тухары илдьэ сылдьыахпыт диэн бигэ санаалаахпын. Хаартыскалары манна көрүҥ.
Евдокия Неустроева,
Мэҥэ Ханалас, Павловскай.
Хаартыскалары Е.Неустроева тиксэриилэрэ