Суолталаах

«Үйэлээх мал». Кэриэс малы харыстаан уура сылдьабын

Өбүгэлэрбиттэн хаалбыт, 100 сылларын быдан ааспыт малы-салы хаартыскаҕа түһэрдим.

Бу аҕабыт Торговкин Семён Лазарьевич дьонун, эһэбит Ипатий Иванов киэнэ. Урут сэлиэһинэй бурдугу мээккэлиир, мэлийэр тэриллэрэ үһү. Билигин да туһанабыт. Хонуу луугун үргээн аҕалан кыра гына кырбастыыбыт уонна тууһа иҥэрин курдук итиннэ мэлийэн хаһаанабыт.

Иккис хаартыскам эһэм аахтан хаалбыт кыра сундуук. Ону таһынан, ийэм Торговкина Евдокия Иевна ийэтин, ол эбэтэр эбэм Корнилова Евдокия Николаевна урукку мааны иһитин — курустаал үрүүмкэлэрин, түһэрэн ыыттым. Өбүгэлэрим малларын кэриэстээн уура сылдьабын.

 

Надежда Прокопьева,

Өлүөхүмэ, Кыыллаах Арыы

Хаартыскалар Н.Прокопьева тиксэриилэрэ

1
0
Telegram @edersaas20