«Үйэлээх мал» («Өбүгэм ситимэ») куонкуруска дьоммутуттан-сэргэбититтэн хаалбыт малы-салы хаартыскаҕа түһэрэн ыытабыт.
Кэргэним аҕата Сутаков Константин Филиппович 1900 сыллаахха төрөөбүт. Кини кэтэ сылдьыбыт таҥастара, туттубут тэриллэрэ билигин да ампаарга ыйанан тураллар. Атын ыҥыыра, адаҕата, тирии быалара эмиэ бааллар. Балыктыыр куйуура, балыгын угар ыаҕайата тураллар. Ийэтэ Чемезова Татьяна Семёновна 1913 сыллаахха төрөөбүт. Кини туттубут иһитэ-хомуоhа, сэппэрээтэрэ, хобордоохторо, килиэп буһарар лииһэ, баахыла тимирэ, көһүйэ, өтүүк, иистэнэр массыына хараллан тураллар.
Кэнэҕэски ыччаттарбыт көрө сырыттынар диэн маннык балаҕан оҥостон малы-салы барытын онно ууран туруорабыт.
Балаҕаммытын кэргэним Константин Константинович Айдан алааска дьоммут олоро сылдьыбыт балаҕаннарын үтүгүннэрэн оҥорбута. Кини оскуолаҕа киириэр диэри ол балаҕаҥҥа олорбут. Хаартыскалары көрүҥ.
Розалия Сутакова,
Амма, Алтан
Хаартыскалар Р.Сутакова тиксэриилэрэ