«Үйэлээх мал». Дьоммутуттан хаалбыт кэриэс маллар

Ааптар: 
Бөлөххө киир:

Биһиги дьиэ кэргэн дьоммутуттан хаалбыт кэриэс малларбытын наһаа күндүтүк саныыбыт. 

Ийэбиттэн хаалбыт үүт сүүрдэр (эрийэр) сэпэрээтэр 1953 сылтан сылдьар. Билигин да үлэлиир.

Ийэм иистэнэр “Зингер” массыыната. Сэрии сылларын кэнниттэн атыыласпыт, 75 сыл анараа өттүгэр. Билигин да бу массыынаны туттабын, иистэнэбин.

Ийэм Александрова Евдокия Петровна тыыл, үлэ бэтэрээнэ этэ. 1982 сыллаахха САССР 60 сылыгар тахсыбыт тэриэлкэни маҕаһыынтан атыыласпыт. Биһиги дьиэ кэргэҥҥэ кэриэс мал буолан ууруллан сыппыта 40 сыл буолла.

Маны сэргэ, эбэбит Лукавина Анна Гаврильевна — Ааныкачаан ийэбэр хаалларбыт самоварын уура сылдьабыт. Итиэннэ эбэбит сэрии быдан инниттэн айаҥҥа илдьэ сылдьыбыт хоппо сундууга баар. Билигин да тутта сылдьабыт. Наһаа күндүтүк саныыбыт. Хаартыскалары көрүҥ.

Анна Александрова,

Кэбээйи, Сииттэ.

Хаартыскалар А.Александрова тиксэриилэрэ

+1
0
+1
0
+1
0
+1
0
+1
0
+1
0
+1
0