Ийэм Евдокия Саввична Сергучева эһэтэ Амонов Анисим Родионович 1870 сыллаахха төрөөбүт.
Сунтаар улууһугар Дьаархаҥҥа олорбут. Кириэстээххэ таҥара дьиэтин туттарбыт, Ленскэйгэ диэри соҕотоҕун хас да атынан эт тиэйэн баран, төттөрү кэлэригэр табаар бөҕөтүн тиэйбит буолааччы диирэ эбэм Ксения Анисимовна. Мас ууһа чороон бөҕөтүн оҥорон ампаары толорон баран, кымыс оҥорбут уонна улахан оҕуһун сүүстээн баран, дойдутугар ыһыах ыспыта үһү.
Ийэм аҕата Андреев Савва Кононович (1886-1982) Мииринэй улууһугар Таас Үрэххэ Хачаа алааһыгар төрөөбүт, улааппыт. Булчут. Бу бултуур тэриллэрин уктан илдьэ сылдьар маллара. Онтон ийэм эбэтэ Каплина Мария Егоровна Красноярскай долганката. Эһэтэ Куонаан таба бырааһынньыгар көрсөн холбоспуттар. Эбэтин киэргэнэр куһаата. Онтон бултуур үҥүүтэ ойуурга балаҕаннарыгар баар.
Онтон Аҕам Петр Петрович Сергучев Мэҥэ Хаҥаласка Сыымахха улааппыта. Төрөппүттэрэ Петр Иванович уонна Бороскуой уоттаах сэрии кэмигэр Охотскай Перевозка Ааллаах Үүҥҥэ үлэлээбиттэр, 1944 сыллаахха аҕам төрөөбүт. Куһаат, таҥара кириэһэ, ньуоскалар эһэлээх эбэбиттэн хаалбыттар.
Вилюрия Сергучева,
Сунтаар, Куокуну.
Хаартыскалар В.Сергучева тиксэриилэрэ