Суолталаах

«Үйэлээх мал». Ийэлээх аҕабын санаталлар

«Үйэлээх мал» («Өбүгэм ситимэ») куонкуруска дьонум күндүтүк санаан илдьэ сылдьыбыт малларын-салларын хаартыскаҕа түһэрэн ыытабын. Дьонум Сунтаар оройуонун Ыгыатта учаастагар олорбуттара.

Аҕам Петров Александр Михайлович кумааһынньыгын уонна үрүҥ көмүс харчытын (1926 с.) ууран илдьэ сылдьабын. Кумааһынньыга хомуллар, кунуопкалаах. Аҕабар эдьиийэ тигэн бэлэхтээбитэ үһү, 1933 сыл диэн быысапкалаах. Кыбытыктаах уонна быысыбайынан киэргэтиилээх. Аҕам бу кумааһынньыгын наһаа сөбүлээн илдьэ сылдьар буолара. Кумааһынньыкка былыргы улахан баҕайы кумааҕы харчыны уонна заем эҥин угаллара үһү.
Ийэм Петрова Мария Афанасьевна маллаах иһитин күндүтүк саныыбын, харыстаан уура сылдьабын. Ийэм барахсан манна тимэхтэри хаалыыра. Ити маллаах иһити ийэбэр аҕам саҥаһа Балбаара ыал буолбуттарыгар үөрэн-көтөн бэлэхтээбит.

Ийэм 1955 сыллаахха алтынньы 26 күнүгэр холкуостаахтар быыстапкаларыгар кыттыбытыгар туттарбыт сибидиэтэлистибэлэрин эмиэ кэриэстээн уура сылдьабын. Ону сэргэ бу былыргы заему хаартыскаҕа түһэрэн ыытабын. Хаартыскалары көрүҥ.

 

Петрова Мария,

Мииринэй

Хаартыскалар М.Петрова тиксэриилэрэ

7
0
Telegram @edersaas20