Ийэбин, аҕабын, өбүгэлэрбин санатар биһиги дьиэ кэргэн ытык малбытын хаартыскаҕа түһэрэн ыытабыт. Күндүтүк санаан уура сылдьабыт, харыстыыбыт.
Толкуйдаан көрөрбүнэн, 230-ча сыл анараа өртүгэр олорбут өбүгэлэрбиттэн бэриллэн кэлбит эр дьон кура баар. Төрөппүттэрбиттэн хаалбыт үрүҥ көмүс ньуоскалардаахпыт, 1922 сыллаахха оҥоһуллубуттара эбитэ үһү. Ийэм дьонуттан хаалан баччаҕа диэри тиийэн кэлбит мас хоппо билигин да туһалыыр. Туруга үчүгэй. Оттон дьабака бэргэһэ киэргэлигэр бытархай оҕуруота иҥиир сабынан тигиллибит. Хос эбэм тикпит буолуон сөп. Ону сэргэ, хас сырыы аайы улаханнык долгуйан тутар, көрөр мэллээх иһитим ийэбиттэн Елена Назаровнаттан кэриэс буолан хаалбыта. Киниэхэ эбэтэ биэрбитэ үһү. Хаартыскалары көрүҥ.
Александра Соловьева,
Чурапчы, Соловьев нэһилиэгэ.
Хаартыскалар А.Соловьева тиксэриилэрэ