Үйэлээх мал

«Үйэлээх мал». Хос эһэм саата

Мин хос эһэм Петров  Петр Николаевич булчут ааттааҕа эбит. Сэрии сылларыгар аччыктааһын, хоргуйуу кэмигэр кини элбэх ыалга булдуттан бэрсэн өлүүттэн быыһаабыт.  

Хос эһэм 75 сааһыгар аты бэрт чэпчэкитик миинэр, бултаатаҕына тииҥи төбөттөн атыҥҥа түһэрбэт эбит. 1965 сыл күһүнүгэр 79 сааһыгар түөрт эһэни бултаабыт. Киэҥ көҕүстээх, туохтан да куттаммат хорсун киһи буолан итинник бултаатаҕа.

 

Мин хос эһэм бултаабыт тэриллэриттэн 1834 сыллаах буораҕынан ытыллар саатын сэргии, сэҥээрэ көрөбүн. Саа биир уостаах, буорах кутар сирдээх. Оттон буорах кутар мөһөөччүгэ тирии. Арааһа, ыттахха сүүсчэкэ миэтэрэни барара буолуо дииллэр. Бу саанан сатабыллаахтык ыттаҕына улахан булду өлөрүөн сөп эбит.  Былыргы саа буолан кэллиэксийэньиэрдэр наһаа сэҥээрэллэр эбит. ИЖЪ 1834 г.  диэн суруктаах.  Хос эһэм аҕатыттан, эһэтиттэн да бэриллибит буолуон сөп. Хаартыскалары манна көрүҥ.

Георгий Фёдоров,

Сунтаар, Маар Күөл.

Хаартыскалар Федоровтар тиксэриилэрэ

 

0
0
Telegram @edersaas20