Мин кэпсиир малым — илии сэппэрээтэрэ.
Бу сэппэрээтэр ийэм кэпсииринэн, 1948 сыллаахха оҥоһуллубут. Сэппэрээтэри эбэм Васильева Александра Семёновна ийэбэр Фёдорова Евдокия Прокопьевнаҕа биэрбит. Онтон ийэм сүөһү ииттибиппитигэр биһиэхэ биэрэр. Эбэбэр аҕата Васильев Семён Иннокентьевич (Быһыкаат Сэмэн) эбэм кэргэн сүктэн барарыгар энньэлээн ыытар. Ити 1948 сыллаахха.
Мин дьиэ кэргэним кэриэс мала өбүгэм ситимин салҕаан миэхэ бэриллибититтэн үөрэбин уонна киэн туттабын. Аны сайын бэс ыйын 6 күнүгэр сэппэрээтэрим барахсан 74 сылын туолар. Билигин да туттабын. Олус бэрткэ үлэлиир. Үйэлээх малы кыргыттарым салгыы илдьэ сылдьыахтара диэн эрэнэбин.
Хаартыскалары манна көрүҥ.
Юлия Филиппова,
Амма, Абаҕа.
Хаартыскалар Ю.Филиппова тиксэриилэрэ
+1
+1
+1
+1
+1
+1
+1