«Үйэлээх мал» хаартысканан куонкуруска 88 саастаах Ульяна Федотовна Винокурова кыттарга толкуйданным.
Ииппит ийэм Данилова Елена Ивановна 1880 сыллаахха Горнай улууһугар төрөөбүт. Уруккута Нам улууһугар киирсэрэ. Өлөөнө аҕата Охлопков Уйбаан маһы ыллатар уус бэрдэ эбит. Ийэм Өлөөнө Ханчылыга олорор таҥараһыт оҕонньор Таппарыйа Данил уолугар Данилов Василийга кэргэн тахсар. Урут бу Ханчылы айан суола буолан, Бүлүү, Сунтаар уонна Ньурба дьоно хонон-өрөөн ааһар сирдэрэ этэ. Уйбаан оҕонньор сүрдээх сытыы-хотуу буолан бу ааһар дьоҥҥо бэйэтэ онорбут мас иһиттэрин атыылыыра үһү. Онон бу иһиттэр ити улуустарга бааллара чахчы.
Матаарчаҕы уонна кытыйаны Винокуров Константин Саввичтыын саас 1956 сыллаахха ыал буолар күммүтүгэр ийэм бэлэхтээбитэ. Оттон бу кытыйаҕа кыра кылааска үөрэнэ сылдьан суорат сиир буоларым. Кэлин күөрчэх оностор этибит. Матаарчаҕы иистэнэр иһит оҥосторбут. Бу курдук биһиги ыалга, Винокуровтарга, сахалыы маллар бэйэлэрин миэстэлэрин булан, өбүгэ ытык үйэлээх мала буолан, ууруллан-харайыллан тураллар. Иһиттэр, бука, 120 сылтан таҕыстахтара. Хаартыскалары көрүҥ.
Ульяна Винокурова,
Нам, Хамаҕатта.
Хаартыскалар У.Винокурова тиксэриилэрэ