Сүрүн Уопсастыба

Үйэ аҥаардаах таптал үбүлүөйэ



Хаҥалас улууһун Булгунньахтааҕын сис ыала Трофим Петрович уонна Любовь Алексеевна Едисеевтар буруо таһааран ыал буолбуттара үйэлээх үбүлүөйдэрин — кыһыл көмүс сыбаайбаларын бэлиэтээтилэр. Таптаһан, бэйэни бэйэни өйдөһөн, өйөһөн, убаастаһан олорор ытык ыалга кыһыл көмүс сыбаайбаларыгар «Дьиэ кэргэн албан аата» бэлиэни туттардылар.

Дьиэ кэргэн аҕа баһылыга Трофим Петрович идэтинэн агроном-тэрийээччи. Дьокуускайга орто анал профессионльнай училищены бүтэрэн баран, Тойон-Арыыга дизелист-электригинэн үлэлээбитэ. 1968 сыллаахха сэбиэскэй аармыйа кэккэтигэр ыҥырыллыбыта. 1970 сылтан саҕалаан тыа хаһаайыстыбатын салаатыгар үлэлээбитэ. Ыал ийэтэ Любовь Алексеевна идэтинэн иитээччи. Эдэр эрдэҕиттэн уопсастыбаннай үлэ үөһүгэр сылдьар киһи.

Трофим Петрович уонна Любовь Алексеевна түөрт оҕону төрөтөн, төрөөбүт дойдуларыгар туһалаах дьон гына иитэн таһаардылар. Уон сиэннэрин иитиһэн, оҕолоругар өйөбүл буолаллар. Бу туһунан Хаҥалас улууһун муниципалитетын пресс-киинэ иһитиннэрэр.

Елена ПОТОЦКАЯ, «Саха сирэ» хаһыат, edersaas.ru

1
0