«Өйдөбүнньүк чүмэчитэ» аахсыйа ыам ыйын 7 күнүгэр ыытыллыаҕа

Бөлөххө киир:

Улуу Кыайыы 77 сылыгар аналлаах ытык дьоммутун кэриэстиир Бүтүн Арассыыйатааҕы “Өйдөбүнньүк чүмэчитэ” аахсыйа  ыам ыйын 7 күнүгэр ыытыллыаҕа.

Дьокуускай куоракка патриотическай аахсыйа  сарсын, ыам ыйын 7 күнүгэр,  19.00 чаастан Кыайыы болуоссатыгар ыытыллыаҕа. Икки сылы быһа аахсыйа онлайн ыытыллыбыт буоллаҕына, быйыл  болуоссакка буолуоҕа.

«Биһиги  куруук өйдүүр-саныыр, маннык тэрээһиннэргэ, ол иһигэр   Кыайыы параадыгар, «Өлбөт үйэлээх полк» аахсыйаҕа  өрүү кыттар буоллахпытына, кыайыы туһунан хас да сүүһүнэн сыллар тухары  умнуллуо суоҕа, сүрэхпитигэр өрүү тута сылдьыахпыт», – диэн Ил Дархан  Айсен Николаев бэлиэтээн эттэ.

“Өйдөбүнньүк чүмэчитэ” аахсыйа Саха сиригэр 2009 сылтан ыытыллар. Итиэннэ сыллата уонтан тахса тыһыынча киһи чугас дьонун, аймаҕын, биир дойдулааҕын туһугар чүмэчи уурар. 2019 сыллаахха Дьокуускайга  ыыттыллыбыт тэрээһиҥҥэ 15 тыһыынча киһи кыттыбыта.

edersaas.ru

+1
0
+1
0
+1
0
+1
0
+1
0
+1
0
+1
0