Өйдөбүнньүгү үйэтитиигэ, пааматынньыгы саҥардан оҥорууга туох үлэ ыытылынна

Ааптар: 
Бөлөххө киир:

Саха АССР 100 сылын көрсө Казначейство дьиэтэ уонна Николаевскай таҥара дьиэтэ саҥардыллан оҥоһулуннулар.

Саха АССР 100 сылын көрсө ааспыт сылга федеральнайтан көрүллүбүт үп суотугар Дьокуускайга 1909 сыллаахха тутуллубут Казначейство дьиэтэ уонна Хаҥалас улууһугар Күөрдэмҥэ XIX үйэҕэ тутуллубут Николаевскай таҥара дьиэтэ саҥардылыннылар.
Маныаха биир үтүө холобурунан, «Пааматынньыктары харыстыаҕыҥ» бырайыак иитинэн «Манчаары башнята, XIX үйэ» федеральнай суолталаах өйдөбүнньүгү чөлүгэр түһэриигэ үп хомуллуутугар телемарафон ситиһиилээхтик ыытыллыбыта. Бу туһунан СӨ Бырабыыталыстыбатын ааспыт сыллааҕы үлэтин отчуотун кэмигэр СӨ култуура уонна устуоруйа эбийиэктэрин харыстыыр департамент салайааччыта Николай Макаров эттэ. Тустаах департамент ааспыт сылга өйдөбүнньүктэри үйэтитиигэ улахан үлэни ыыппыт. Итиннэ устуоруйа кэрэһиттэрин үйэтитии, өрөмүөн, чөлүгэр түһэрии үлэлэрин таһынан Нам, Уус Алдан, Мэҥэ Хаҥалас, Хаҥалас улуустарыгар уонна Дьокуускайга ытык сирдэри харыстабылга ылбыта эмиэ киирэр.
Департамент салайааччыта Николай Макаров култуура нэһилиэстибэтин эбийиэктэрин испииһэгэр киллэттэриэн баҕарар былыргы тутуулары, өйдөбүнньүктэри улуустар тустаах департамеҥҥа биллэрэллэригэр сүбэлээтэ. Сайабылыанньаны биэрэргэ бэрээдэк, ирдэбил баарын эттэ итиэннэ сайабылыанньа киирбитин кэнниттэн бииргэ үлэ саҕаланарын ыйда.
Арассыыйа Бэрэсидьиэнэ Владимир Путин 2022 сылы РФ култуурунай нэһилиэстибэ сылынан биллэрбитэ. Өрөспүүбүлүкэҕэ — Саха АССР 100 сыла. Онон эппиэтинэс икки бүк үрдүк. Манна сыһыары тутан санаттахха, СӨ Ил Дархана Айсен Николаев 2019 сыллаахха «Пааматынньыктары харыстыаҕыҥ» бырайыагы көҕүлээбитэ. Бу кэм устатыгар 35 эбийиэк чөлүгэр түһэрилиннэ.
Хаартыскаҕа Мария Васильева (СИА) түһэриитэ.
+1
0
+1
0
+1
0
+1
0
+1
0
+1
0
+1
0