Саха АССР 100 сыла

«Известия» хаһыат сэдэх нүөмэрэ — Национальнай бибилэтиэкэ электроннай архыыбыгар

«Известия» хаһыат сэдэх нүөмэрин Национальнай бибилэтиэкэ электроннай архыыбыгар киллэриэхтэрэ.

Саха автономиятын тэриллиитин туһунан 1922 сыл ыам ыйын 10 күнүнээҕи “Известия “ хаһыат нүөмэрин Ил Дархан Айсен Николаев А.С. Пушкин аатынан Национальнай бибилэтиэкэҕэ тиксэрдэ. Манна Саха Автономнай Социалистическай Сэбиэскэй Өрөспүүбүлүкэтэ тэриллибитин туһунан ВЦИК бэрэссэдээтэлэ Михаил Калинин илии баттааһыннаах Бүтүн сойуустааҕы киин кэмитиэт президиумун ыйааҕа бэчээттэммит.

— Биһиги өрөспүүбүлүкэ Аҕа баһылыга Айсен Николаевка 100 сыллаах «Известия» хаһыаты чааһынай кэлэксийэниэртэн булан, дьонугар-сэргэтигэр тиэрдибитигэр барҕа махталбытын биллэрэбит. Бу сүдү суолталаах хаһыаты өрөспүүбүлүкэ устуоруйатын үөрэтээччилэр бибилэтиэкэ историческай саалатыгар кэлэн билсиэхтэрэ. Маны таһынан, хаһыат сыыппараҕа таҥыллыбытын электроннай бибилэтиэкэбитигэр булан көрүөххэ сөп, — диэн СӨ Национальнай бибилэтиэкэтин дириэктэрэ Саргылана Максимова санаатын үллэһиннэ.

 

 Елена ПОТОЦКАЯ, “Саха сирэ” хаһыат.

Хаартыска — Андрей Сорокин, СИА

0
0
Telegram @edersaas20