ИВЛ аппарааттара эбии аҕалылыннылар
Олох-дьаһах

ИВЛ аппарааттара эбии аҕалылыннылар

Хоруона хамсыгын тарҕаппат, тохтотор туһугар үлэ тиһиктээхтик салҕанар. Бу күннэргэ ИВЛ аппарааттара эбии аҕалылыннылар.

Быйыл маннык аппарааттары аҕаларга хантараак түһэрсиллибитэ. СӨ Доруобуйа харыстабылын миниистирэ Елена Борисова бэлиэтээбитинэн, бу күннэргэ ИВЛ 64 аппараата эбии аҕалыллыбыт. Бу туһунан тустаах министиэристибэ пресс-сулууспата иһитиннэрэр.

«Арассыыйа уонна Өрөспүүбүлүкэ Бырабыыталыстыбаларын өйөбүллэринэн, аныгы аппарааттар ылыллан аҕалылыннылар. Билиҥҥи туругунан, сорох аппарааттар улуустар балыыһаларыгар тиэрдилиннилэр. Онтон хаалбыттар Дьокуускай куоракка уонна өссө сорох оройуоннар киин балыыһаларыгар тиэрдиллиэхтэрэ. Онон быйыл барыта 148 ИВЛ аппарата ылылынна«, — диэтэ миниистир.

«Бу балтараа сылга биһиги балыыһабыт саҥа ИВЛ уонна УЗИ аппарааттарынан, реанимобилынан (суһал көмөнү оҥорор көлө) хааччылынна.  Өрөспүүбүлүкэ уонна дойду салалтатыгар  кыһамньыларын, кэлэргэ-барарга уустук суоллаах-иистээх сиргэ-уокка болҕомтолорун иһин махтанабыт», — диэтэ Өлөөн оройуонун киин балыыһатын кылаабынай бырааһа Назар Петров.

Салгыы Аллайыаха оройуонун киин балыыһатын кылаабынай бырааһын солбуйааччы Александра Мохначевская: «СӨ Доруобуйа харыстабылын министиэристибэтигэр уонна биһигини өйөөбүттэргэ, көмөлөспүттэргэ барыларыгар улахан махтал. Аппарааты  улууспут киин балыыһатын «кыһыл зонатыгар» туһаныахпыт», — диэн эттэ.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

пять − один =