“Иван Ярыгин” турнирыгар саха бөҕөстөрө кимнээҕи кытта күрэс былдьаһыахтара билиннэ

Сарсыҥҥыттан, тохсунньу 24-тэн, Красноярскайга Иван Ярыгин кэриэһигэр көҥүл тустууга үбүлүөйдээх ХХХ норуоттар икки ардыларынааҕы турнир саҕаланар. Быйылгыттан бу түһүлгэ Тустуу холбоһуктаах эйгэтин (UWW) рейтиннээх күрэхтэһиилэрин ахсааныгар киллэрилиннэ.

Бу улахан түһүлгэҕэ Арассыыйа уонна Румыния сүүмэрдэммит хамаандаларыттан саха тустууга оскуолатын түөрт иитиллээччитэ – Арыйаан Тютрин (57 кг), Эдуард Григорьев, Семен Владимиров уонна Николай Охлопков (61 кг) — кыттыаҕа.

57 киилэҕэ диэри ыйааһыҥҥа уон биэс бөҕөс кыттара күүтүллэр. Манна Арыйаан Тютриммытын сэргэ Арассыыйаттан норуоттар икки ардыларынааҕы күрэстэр кыайыылаахтара, призердара Абасгаджи Магомедов, Муслим Садулаев, дойду чөмпүйэнээтин призера Дондук-Оол Хуреш-Оол (Тыва) уонна Амирхан Гуважоков (Кабардино-Балкария) тустуохтара. Кинилэргэ сүрүн утарылаһааччыларынан аан дойду чөмпүйэнээтин призердара Томас Гилман (АХШ) итиэннэ Бехбаяр Эрденебат (Монголия) буолуохтара сабаҕаланар.

61 киилэлээхтэргэ Эдуард Григорьевпытын уонна Семен Владимировпытын кытта Арассыыйа чиэһин 23-гэр диэри саастаахтарга аан дойду чөмпүйүөнэ Магомедрасул Идрисов (Дагестан), кини биир дойдулааҕа, «Аланы» турнир кыайыылааҕа Рамазан Ферзалиев, Красноярскайдааҕы Тустуу академиятын финалиһа Майдир Донгак (Тыва) көмүскүөхтэрэ. Бу ыйааһыҥҥа күрэстэһээри ох курдук оҥосто сылдьар уон түөрт тустууктан АХШ бөҕөстөрүн Кори Кларкы итиэннэ Джозеф Колоны чорботон бэлиэтиэххэ сөп.

Иван Ярыгин кэриэһигэр көҥүл тустууга үбүлүөйдээх ХХХ норуоттар икки ардыларынааҕы турнир

Тохсунньу 24-27 күннэрэ. Красноярскай

57 кг диэри ыйааһыҥҥа

Жу Ваньхао (Кытай)

Георгий Гониашвили (Грузия)

Абзал Окенов (Казахстан)

Бехбаяр Эрденебат (Монголия)

Тувшинтулга Туменбилег (Монголия)

Насанбуян Нармандах (Монголия)

Абасгаджи Магомедов (Арассыыйа)

Дондук-Оол Хуреш-Оол (Арассыыйа)

Амиран Гуважоков (Арассыыйа)

Арыйаан Тютрин (Арассыыйа)

Муслим Садулаев (Арассыыйа)

Мурат Ходжанепесов (Туркмения)

Ахмет Пекер (Турция)

Зейн Ричардс (АХШ)

Томас Гилман (АХШ)

61 кг диэри ыйааһыҥҥа

Минжу Лью (Кытай)

Лаша Ломтадзе (Грузия)

Отгонбаатар Гансух (Монголия)

Чинзориг Цермаа (Монголия)

Мунх Эрденэ Алтансувд (Монголия)

Николай Охлопков (Румыния)

Рамазан Ферзалиев (Арассыыйа)

Магомедрасул Идрисов (Арассыыйа)

Майдир Донгак (Арассыыйа)

Эдуард Григорьев (Арассыыйа))

Семен Владимиров (Арассыыйа)

Мекан Оразов (Туркменистан)

Кори Кларк (АХШ)

Джозеф Колон (АХШ)

Роман Попов

Хаартыска Интэриниэттэн ылылынна.