«Иван Ярыгин-2020»: Арыйаан Тютрин уонна Петр Константинов иккис эргиири аастылар

Красноярскайга буола турар норуоттар икки ардыларынааҕы Иван Ярыгин Гран-при турнирыгар 57 киилэҕэ диэри тустар Арыйаан Тютрин уонна Петр Константинов иккис эргиири аастылар.

57 киилэҕэ тустар Петр Константинов иккис эргииргэ монгол Нармандаҕы 11:0 ахсааҥҥа кыайда. Онон, аныгыс эргииргэ Петр Дагестантан сылдьар Ахмед Идрисовы кытта тустуоҕа.

Арыйаан Тютрин Молдоваттан сылдьар Анатолий Буруяны 6:2 ахсааҥҥа кыайан, үһүс эргииргэ Дагестантан Акбар Курбановы кытта киирсиэҕэ.

Оттон Георгий Окороков, хомойуох иһин, бүрээт Жаргал Дамдинтан 2:6 ахсааҥҥа хоттордо. Жаргал бастакы эргииргэ Петр Копыловы эмиэ хоппута.

Онон, 57 киилэҕэ аныгыс эргииргэ маннык пааралар тустуохтара:

Ахмед Идрисов (Дагестан) — Петр Константинов (Саха)

Арыйаан Тютрин (Саха) — Акбар Курбанов (Казахстан)

Рамис Гамзатов (Дагестан) — Азамат Тускаев (РСО-Алания)

Жаргал Дамдинов (Бурятия) — Дондук-оол Хуреш-оол (Тыва)

edersaas.ru

Хаартыска: sportyakutia.ru саайтан.