«Иван Ярыгин-2020»: Петр Константинов, Арыйаан Тютрин уонна Георгий Окороков бастакы киирсиилэрин кыайдылар
Красноярскайга буола турар норуоттар икки ардыларынааҕы Иван Ярыгин Гран-при турнирыгар 57 киилэҕэ диэри тустар Петр Константинов, Арыйаан Тютрин уонна Георгий Окороков бастакы киирсиилэрин кыайдылар.
57 киилэ
Ол курдук, Петр Константинов Казахстан бөҕөһүн Даулет Темиржановы 6:4 ахсааҥҥа кыайда. Оттон Арыйаан Тютрин утарсааччытынан Монголия чөмпүйүөнэ Намрандах буолла. Арыйаан бүтэһик эргиири 8:6 ахсааннаах түмүктээн, бастакы кыайыытын сурунна. Георгий Окороков дагестанец Саид Газимагомедовы 3:0 ахсааҥҥа кыайда.
Эмиэ бу 57 киилэҕэ диэри ыйааһыҥҥа тустар Егор Потапов монгол Баджаргалтан тушенан хоттордо.
Игирэ ини-биилэр Петр уонна Алексей Копыловтар аныгыс эргииргэ сатаан тахсыбатылар. Петр 0:3 ахсааҥҥа бүрээт Дамдин Жаргаловтан, оттон Алексей 1:2 ахсааҥҥа Дондук-оол Хуреш-оолтан хоттордулар.
70 киилэ
70 киилэҕэ тустар Револий Самсонов Кирилл Корнеевтан 0:5 ахсааҥҥа хоттордо.
61 киилэ
61 киилэҕэ тустар Ньургун Александров Алик Хадарцевы 1:2 ахсаанынан кыайан испитэ. Салгыы киирсэн, 12:6 ахсааҥҥа таһаарбыта, онтон тушеҕа баран хаалан, кыһыылаахтык хоттордо.
Күрэхтэһии быһа биэриитин манна көрүҥ:
edersaas.ru
Хаартыска: sportyakutia.ru саайтан.