Иван Ярыгин турнира: икки саха бөҕөһө финалга тахсар иһин тустуоҕа

Ааптар: 
Бөлөххө киир:

Красноярскайга буола турар Иван Ярыгин кэриэһигэр көҥүл тустууга ХХХ норуоттар икки ардыларынааҕы турнирга 61 киилэҕэ диэри ыйааһыҥҥа финал аҥарыгар саха тустууга оскуолатын икки иитиллээччитэ – Эдуард Григорьев уонна Николай Охлопков — бэйэ-бэйэлэрин кытта күөн көрсүөхтэрэ.

edersaas.ru

Бу иннинээҕи хапсыһыыларга саха бөҕөстөрө утарылаһааччыларын кыахтаахтык кыайталаатылар.

Ол курдук, Эдуард Григорьев бастаан Тыва тустуугун Майдыр Донгагы, салгыы Кубаттан сылдьар Алейнер Эрнандеһы үрүҥ харахтарын өрө көрдөрбөтө, иккиэннэрин 10:0 ахсаанынан сабырыйда. Үһүс хапсыһыытыгар АХШ бөҕөһүн Джо Колоны эмиэ илиилээх атахтаах оҥорбото – 10:1.

Оттон Румыния былааҕынан кыттар Николай Охлопков сытыы бырахсыылардаах хапсыһыылары көрдөрдө. Кини Мират Ходженепесовы (Туркменистан) – 10:0, Чинзориг Цэрмааны (Монголия) 12:2 ахсаанынан хотуталаата.

Атын икки бөҕөспүт — Арыйаан Тютрин (57 кг) уонна Семен Владимиров (61 кг) турнир сүрүн сеткатыгар киирэр иһин күөн көрсүһүүлэргэ хоттортоон, туораатылар. Арыйаан Тютрин Европа чөмпүйүөнүгэр Амирхан Гуважаковка (Кабардино-Балкария) – 6:2, оттон Семен Владимиров Арассыыйа чөмпүйүөнүгэр Магомедрасул Идрисовка (Дагестан) 5:1 ахсаанынан сабырыйтардылар.

Финал аҥарынааҕы хапсыһыылар

57 кг диэри ыйааһыҥҥа
Муслим Садулаев (Арассыыйа) — Насанбуян Нармандах (Монголия)
Бехбаяр Эрденбат (Монголия) — Абасгаджи Магомедов (Арассыыйа)

61 кг диэри ыйааһыҥҥа

Магомедрасул Идрисов (Арассыыйа) — Отгонбаатар Гансух (Монголия)
Николай Охлопков (Румыния) — Эдуард Григорьев (Арассыыйа)

70 кг диэри ыйааһыҥҥа

Асхат Слямханов (Казахстан) — Мандахнаран Ганзориг (Монголия)
Магомедрасул Газимагомедов (Арассыыйа) — Давид Баев (Арассыыйа)

Роман Попов, edersaas.ru

Хаартыска Интэриниэттэн ылылынна.

+1
0
+1
0
+1
0
+1
0
+1
0
+1
0
+1
0