Таатта улууhугар бырабыыталыстаба отчуотун иккис бөлөҕүн салайааччы СӨ сыана бэлиитикэтин кэмитиэтин салайааччы Антонина Винокурова Таатта улууhугар соҕотох хаалбыт сэрии кыттыылааҕын, Алдан нэhилиэгин олохтооҕун Иван Винокуровы кытта көрүстэ.
Иван Иосифович 18 сааhын туолаат, 1945 сыллаахха уоттаах сэриигэ ынырыллыбытын, илиҥҥи сэриигэ сулууспалаабытын туhунан кэпсээтэ. Бэбиэскэ тутан, Дьокуускай куоракка киирээри, биир нэдиэлэ биэрэккэ устар аалы кэтэспиттэрин, онно аҕата эдэр дьону аhынан, аhаан, тот бардыннар диэн сүөһү өлөрбүтүн бу бэҕэhээ буолбут курдук кэпсиир. Чөл өйүн тута сылдьар ытык кырдьаҕас аныгы эйэлээх, сайдыылаах олоххо үлэлээн, олорон хаалыахха диир.
«Японияны кыайыы иhин» мэтээллээх Иван Винокуров 10 оҕо амарах аҕата, 21 сиэн, 32 хос сиэн, 1 хос хос сиэн эhээтэ.
Ньургуйаана Иванова, edersaas.ru
+1
+1
+1
+1
+1
+1
+1