Маны аах Уопсастыба

Иван Ушницкай: «Ньургуйаанаҕа эрэнэбин!»

Соторутааҕыта Сахабэчээт” дириэктэринэн суруналыыс Ньургуйаана Стручкова анаммыта. Саҥа ананыыны бэчээт эйгэтигэр араастык ылыннылар.

Эдэр саас” хаһыаты төрүттээбит биллэр суруналыыс, ыччаттары тустаах идэҕэ иитээччи-угуйааччы, «Киин куорат» хаһыат кылаабынай эрэдээктэрэ Иван Ущницкайтан санаатын этэригэр көрдөстүбүт:
«Эдэр саас» ха
һыакка устудьуоннуу сылдьан ситиһиилээхтик үлэлэспит Ньургуйаана Стручкова «Сахабэчээт» тэрилтэҕэ салайааччынан анаммытын истэммит, бары да үөрбүппүт. Ол эрээри, сорохтор бу сонуну хомойо истибиттэрин тута биллэрдилэр. Кэлэктииби кытта билсэ да илик киһи үрдүгэр саба түстүлэр. Итинник гынан көлүөнэлэр ситимнэрин быһаллар, утарыта туруорсууну күөртүүллэр. Саастаахтарбыт сүбэ-ама буолуохтарын баҕарабын. Хомойуох иһин, эдэр исписэлииһи быһа этэртэн туттумматтар кытта баалларыттан соһуйдум. Айар-тутар биир идэлээхтэрбэр туһаайан этиэм этэ: «Сахалар аҕыйахпыт, суруйааччылар өссө аҕыйахпыт, харыстаһыҥ даа!».

«Эдэр саас» хаһыат быйыл тэриллибитэ 27 сааһын туолар. Бу билигин өрөспүүбүлүкэ суруналыыстыкатын салайыыга тахсыбыттар хаһыаты кытта хара саҕаланыаҕыттан, оскуолаҕа 9-10 кылааска үөрэнэр, устудьуоннуур эрдэхтэриттэн алтыспыттара. Онон кинилэр, дьэ, саамай үлэлиир, айар-тутар кэмнэрэ кэллэ.

»Эдэр саас» хаһыат 90-с сылларга ыччат, уопсастыбаннас ортотугар улахан хамсааһын таһаарбыта. Хаһыат тираһа 52 тыһыынча экземплярга тиийэ сылдьыбыта да ону туоһулуур. Эрэдээксийэ 4-5 үлэһиттэригэр көмөлөһөн хаһыакка суруйсан, араас шоулары, »төгүрүк остуоллары’ тэрийсэн, улуустарга ааҕааччылардыын бииргэ үлэлиир бырайыактарыгар күүс-көмө буолан, оччотооҕу судургута суох уларыйыы кэмигэр дьон, ыччат кутун тутан, кинилэри түмэн, өрөспүүбүлүкэбит сайдарыгар төһүү күүс буолбута. Оччотооҕу ыччат министиэристибэтэ, атын да тэрилтэлэр, норуот, ону сүрдээҕин өйөөн, бииргэ үлэлиир этибит. Итинник үлэ холобурун көрө сылдьыбыт ыччаттарбытыттан кыайыгас-хотугас, үлэһит дьон үүммүттэриттэн үөрүөх тустаахпыт.

Ким да эппиэттээх үлэҕэ мээнэ сөбүлэспэт. Ньургуйаана эрдэттэн туох эрэ былааннаах буолан, ити талбыт суруналыыстыкатын идэтиттэн тэйбэккэ, өссө аныгы куурустарга үөрэнэн балайда бэлэмнээҕин билинэн, Ил Дархан анааһыныгар түһэн биэрбэккэ үлэлиэм диэн сөбүлэҥин биэрдэҕэ. Эрэнэбин. Ситиһиини баҕарабын. Алгыыбын!

Ангелина Васильева, “Саха сирэ” хаһыат, edersaas.ru

Хаартыска: И.Ущницкай архыыбыттан.

0
0
Telegram Whatsapp

Добавить комментарий