Өрөспүүбүлүкэтээҕи офтальмологическай килиниичэскэй балыыһа кылаабынай бырааһа Иван Луцкан видео кэмпириэнсийэ нөҥүө олохтоох дьон коронавирус уонна вакцинация туһунан ыйытыыларгыгар хоруйдаата.
Иван Луцкан этэринэн, коронавирус, кириип курдук, сааскы-күһүҥҥү сезоннарга тарҕанар ыарыы буолуоҕа. Короновирус ордук табыллан элбиир кыраадыһа 4–16С буолбут. Онон короновирустан бигэ көмүскэнии ньыматынан вакциналаныы эрэ буолар. Дьон вакцина ылан баран тоҕо ыалдьарын туһунан Луцкан бу курдук эттэ: «Бу хас биирдии киһи иммуннай систиэмэтиттэн тутулуктаах. Чинчийиилэр көрдөрөллөрүнэн вакцина харыстыыр көдьүүһэ 91,7 бырыһыаҥҥа тэҥнэһэр. Ол эбэтэр наука этэринэн 10 бырыаһыан кэриҥэ дьоҥҥо вакцина толору харыстабылы биэрбэт. Ол эрэн, кинилэр ыарыйдахтарына даҕаны, күүстээхтик ыалдьыбаттарыгар көмөлөһөр”.
Онон вакцина эрэ коронавирустан көмүскүүр диэн салаалаах Иван Луцкан.
“Киһи коронавируһунан ыалда сылдьыбыт да буоллаҕына, кини син биир вакциналаныахтаах” диэн кэпсээтэ ЯРОКБ кылаабынай бырааһа. Сыл аҥаарын кэнниттэн ревакцинация ылар оруннааҕын ыйда.