Бүгүн сарсыарда дойдубут тэбэр сүрэҕиттэн — Москва куораттан үөрүүлээх сонун кэллэ.
edersaas.ru
Бу күннэргэ Москваҕа ыытылла турар пауэрлифтинг аан дойдутааҕы чөмпүйэнээтигэр биир дойдулаахпыт, Таатта улууһун олохтооҕо Иван Бабанов бэйэтин ыйааһыныгар бастаан, аан дойду чөмпүйүөнүнэн буолла! Ону тэҥэ, кини 50 саастарыттан 59 саастарыгар диэри саастаах атлеттарга муҥутуур кыайыылаах аатын сүктэ. Бу чаҕылхай ситиһиитинэн Иван Николаевиһы истиҥник эҕэрдэлиибит.
Аҕыйах хонуктааҕыта Иван Николаевич кыыһа Катя Бабанова бу күрэхтэһиигэ эмиэ ситиһиилээхтик кыттан, доруобай дьоҥҥо аан дойду икки төгүллээх чөмпүйүөнүн аатын ылары ситиспитэ.
Бабановтар дьиэ кэргэн ийэтэ Анна Бабанова Чурапчы Арыылааҕыттан төрүттээх. Биһиги, арыылаахтар, биир дойдулаахпыт спортивнай дьиэ кэргэнин ситиһиилэринэн киэн туттабыт уонна бу курдук Сахабыт сирин өссө да ааттата туруҥ диэн баҕа санаабытын тиэрдэбит.
Николай СЫРОМЯТНИКОВ,
Чурапчы улууһун Арыылаах нэһилиэгин баһылыга.
Хаартыска — батсаап ситимиттэн.
+1
+1
+1
+1
+1
+1
+1