Иван Андросов: «Устудьуоннары быыбардыы тахсарга күһэйии – сымыйа сураҕы күүркэтии”
Киин быыбардыыр хамыыһыйа бэрэссэдээтэлин солбуйааччы Иван Андросов «Голос» сайтка устудьуоннары хомуйан, «Биир ньыгыл Арассыыйа» баартыйаҕа уонна кинилэр хандьыдааттарыгар быыбардыы тахсарга күүс өттүнэн күһэйии туһунан таһаарбыт олоҕо суох сонуннара куһаҕаны тарҕата сатааһын буоларын эттэ.
edersaas.ru
“ТИК бэрэссэдээтэлэ бу сайабылыанньаны миэстэтигэр тиийэн бэрэбиэркэлээтэ. 728 №-дээх быыбардыыр учаастакка Медицинскэй колледж уопсайа киирэр. Бу үөрэх тэрилтэтин салайааччыта өссө атырдьах ыйын 29 күнүгэр устудьуоннар испииһэктэрин оҥорбута. Устудьуоннар быыбардыыр испииһэккэ киирэргэ кэмигэр сайабылыанньаларын биэрбиттэрэ. Кинилэр олорор сирдэринэн регистрациялаахтар. Тустаах баартыйаҕа куоластыырга модьуйуу уонна саалаттан бюллетеннэри таһаары баара биллибэтэ”, — диэн быһаарда кини.
Марианна Тыртыкова, «Саха сирэ», edersaas.ru