Маны аах Уопсастыба

Италия туристара Саха сирин бэлисипиэтинэн кэрийэллэр

Венецияттан кэлбит Дино Ланзоретти уонна Стефано Григоретти бүгүн, тохсунньу 14 күнүгэр, Өймөкөөнтөн Дьааҥыга диэри бэлисипиэтинэн айаҥҥа турунуохтара. Бу туһунан Өймөкөөн олохтооҕо Семен Сивцев бэйэтин «Инстаграмыгар» кэпсээтэ.

Бу күннэргэ туристар айаҥҥа бэлэмнэммиттэр. «Венецияттан кэлбит Ланзоретти Дино уонна Григоретти Стефано велоэкстремаллар буолаллар. Өймөкөөн бөһүөлэгиттэн Дьааҥы куоратыгар туруналлар. Арыаллааһына суох. Аара балааккаҕа хонуохтара», — диэн Семен Сивцев иһитиннэрэр.

Бэлиэтээн суруйдахха, Ланзоретти Дино өссө 2019 сыллаахха Хаандыгаттан Магадаҥҥа диэри бэлисипиэтинэн тиийбитэ. Ол аата Халыма трассатынан 1500 км уһуннаах айаны ааспыта.

0
1