Ил Дархан Айсен Николаев дойду инновационнай уонна цифровой сайдыытыгар ыйаах таһаарбыта. Ол чэрчитинэн 2024 сылга өрөспүүбүлүкэ IT-эйгэҕэ Арассыыйа үрдүнэн инники күөҥҥэ тахсыахтаах. Маны олоххо киллэрэргэ Саха сиригэр Цифровой сайдыы киинэ, Үрдүкү технология паарката, Инновация сайдыытын пуондата, улуустарга 17 IT-Киин, «Дааннайы бэрийэр ситим” аһыллыаҕа.
edersaas.ru
IT-салаа сайдарыгар сыл ахсын биирдии миллиард солкуобай көрүөхтэрэ. Цифровой экэниэмикэ олох бары салааларыгар өтөн киириэҕэ. Дьокуускайга Ленин проспегар 1 №-дээх дьиэҕэ сотору Үрдүкү технология паарката аһыллан үлэлиэҕэ. Маннык IT-киин Уһук Илиҥҥэ бастакынан тэрийиллэр. Онно саҥа саҕалаан эрэр айтишниктар киирэн, сонун платформа, мобильнай сыһыарыы, бырагыраама оҥорон таһаарыахтара. Кинилэр технологичнай үлэлэрин үбүлээн, Арассыыйа, аан дойду ырыынагар тахсалларыгар көмөлөһүөхтэрэ.
Марианна Тыртыкова, «Саха сирэ», edersaas.ru