IT-киин: сайдыыттан сайдыыга

Ааптар: 
14.12.2020
Бөлөххө киир:
Аллараа Бэстээх кэҥэтиллибит IT-кииннэннэ.
Бу туһунан сонуну СӨ Инновацияҕа уонна цифровой сайдыыга министиэристибэтин пресс-сулууспата иһитиннэрдэ. Дьиҥэр, IT-киин Аллараа Бэстээххэ 2018 сылтан баар. Ол да буоллар, улуус быйыл министиэристибэ IT-кииннэри оройуоннарга тэрийэргэ уонна сайыннарарга ыыппыт күрэһигэр кыттан, кыайыылаахтар ахсааннарыгар киирбитэ. Ол түмүгэр, маны ситистэ.

IT-кииҥҥэ бииригэр үөрэтэр дьарыктар ыытыллыахтара, иккиһигэр коворкинг баар. Манна оҕолору, ыччаты эрэ буолбакка, саастаах дьону кытары уһуйуохтара.

Кэҥэтиллибит киини арыйыы үөрүүлээх чааһыгар СӨ Инновацияҕа, сыыппаранан сайдыыга уонна инфокоммуникационнай технологияларга миниистири солбуйааччы Георгий Андреев, «Технопарк «Якутия» ГАУ дириэктэрин солбуйааччы Элеонора Винокурова, дьокутаат Андрей Находкин, улуус баһылыга Николай Старостин, Аллараа Бэстээх бөһүөлэгин баһылыга Юрий Колмаков уо.д.а. кытыннылар.

Манна даҕатан эттэххэ, бу ый саҥатыгар мииринэйдэр маннык кииннэнэн үөрүүлэрэ муҥура суох этэ. Аны билигин, бу сыл бүтүөр диэри  IT- кииннэр Кэбээйи сэлиэнньэтигэр уонна Чурапчыга аһыллыахтаахтар. Оттон кэлэр сылга биэс улууска тэриллиэхтээх. Ханнык улууска буоларын быһаарар күрэс 2021 сылга саас ыытыллыахтаах.

+1
0
+1
0
+1
0
+1
0
+1
0
+1
0
+1
0