Исписэлиис сүбэтэ: балыыһаҕа эмискэ киирэргэ бэйэҕин кытта тугу ылыахха?
02.05.2020
ST PETERSBURG, RUSSIA - APRIL 24, 2020: Ambulances by the admissions department at the Pokrovskaya hospital admitting patients infected with the COVID-19 coronavirus. Alexander Demianchuk/TASS
Россия. Санкт-Петербург. Автомобили скорой помощи у приемного отделения Покровской больницы, которая принимает пациентов с коронавирусом. Александр Демьянчук/ТАСС
Олоххо араас буолуон сөп — уустук кэмҥэ барытыгар эрдэттэн бэлэмнээх сылдьар ордуга чахчы.
edersaas.ru
Ол да иһин РФ Ыксаллаах быһыы-майгы министиэристибэтин уонна гражданскай оборона проблемаларыгар Бүтүн сойуустааҕы научнай-чинчийэр институт исписэлиистэрэ эмискэ коронавируска сутуллан ыарыйдаххына, балыыһаҕа тугу илдьэ киириэххэ сөбүн туһунан сүбэлээтилэр. Үгүс дьон, туох да бэлэмэ суох сылдьан, суһаллык обсерваторга киирэр түбэлтэлэрэ баарын истэ-билэ сылдьабыт. Бу туһунан бүгүн ТАСС иһитиннэриитин үгүс киин интэриниэт ситимнэрэ бэчээккэ таһаардылар.
Дьэ, онон тугу чугас тута сылдьыахха нааданый?
- Пааспар, страховой полис, амбулаторнай каарта;
- мобильнай баан каартата (онно быстах кэмҥэ туттарга харчылаах буолуохтааххын);
- төлөпүөн уонна ону ииттэрэр тэрил;
- ноутбук (планшет) уонна ону ииттэрэр тэрил;
- куртах, тымныйыы уо.д.а эмп (ыарыйдаххына өрүү туттар эмиҥ);
- балыыһаҕа кэтэр таҥас: халаат, пижама, спортивнай көстүүм, уларыттар ис таҥас, уларыттар атах таҥаһа, наскы;
- тиис суунар паста, суокка, мыыла, туалетнай кумааҕы, инчэҕэй салфетка, тараах, илии суунар уонна дуушка суунар соттор, шампунь;
- аһыыр иһит: курууска, тэриэлкэ, ньуоска, биилкэ (алдьаммат иһит буолара ордук);
- блокнот уонна уруучука (сурунарга хайаан да наада);
Бу маннык эрдэттэн бэлэмнэнии балыыһаҕа эрэ киирэргэ буолбакка, атын сиргэ ыраах айанныырга, командировкаҕа, о.д.а. суолталаах наадаҕа бэлэм буолара ордук.
Елена ПОТОЦКАЯ, «Саха сирэ» хаһыат, edersaas.ru
Хаартыска — ТАСС саайтыттан.
+1
+1
+1
+1
+1
+1
1
+1