Үүнэр көлүөнэ тыйаатырын артыыһа, СӨ култууратын туйгуна Георгий Бессонов дьиэҕэ олорор кэми туһаалаахтык атаарарга сүбэлиир уонна Үүнэр көлүөнэ тыйаатырын ютуб-ханаалыгар киирэн испэктээктэри көрөргө ыҥырар.
Георгий Бессонов Кэбээйи улууһун Сиэгэн Күөлүттэн төрүттээх. Үүнэр көлүөнэ тыйаатырыгар 14-с сылын таһаарыылаахтык үлэлиир. 2019 сыл ахсынньы ыйыгар Рональд Харвуд “Костюмер” айымньытынан СӨ искусствотын үтүөлээх диэйэтэлэ Александр Титигиров туруоруутугар Георгий биир сүрүн оруолу учууталын, тыйаатыр уус-уран салайааччыта, СӨ норуодунай артыыһа Алексей Павловы кытта олус итэҕэтиилээхтик, арыллан туран оонньоон, иккиэн көрөөччү үрдүк биһирэбилин ылбыттара.
Сүрүн үлэтин таһынан Георгий уус-уран киинэҕэ ситиһиилээхтик уһуллар. «Кута», «Күрүөйэх», «Атын олох», «Республика Z» курдук өрөспүүбүлүкэ олохтоохторо сөбүлээн көрөр киинэлэригэр сүрүн оруоллары оонньообута.
Ньургуйаана Иванова, «Саха сирэ» хаһыат, edersaas.ru
Хаартыска — интэриниэттэн.