«Искусство түүнэ» интэриэһинэй бырагыраамалаах ыытыллыаҕа

Ааптар: 
Бөлөххө киир:

СӨ Култуураҕа министиэристибэтэ иһитиннэрэринэн, сэтинньи 4 күнүгэр Сомоҕолоһуу күнүгэр ананан «Искусство түүнэ» аахсыйа ыытыллыаҕа.

Бу тэрээһиҥҥэ анаан Ярославскай аатынан мусуой оҕолорго уонна улахан дьоҥҥо анаан маастар-кылаастары, видео-экскурсиялары бэлэмнээтэ. Мусуой үлэһиттэрэ лиэксийэлэри ааҕыахтара, быыстапкалары көрдөрүөхтэрэ. Маны барытын онлайн киэбинэн саайткаYouTube-ханаалга уонна Instagram-страницаҕа көрүөххэ-истиэххэ сөп.  Ити күн 18.00  чаастан 18.40  чааска диэри «зумунан» мусуой устун экскурсия ыытыллыаҕа. Бу нүөмэргэ эрийэн суруттарыҥ: 89644201703.

Национальнай уус-уран мусуой 19.00 чаастан 22.30 чааска диэри видео-экскурсия ыытыаҕа. Маны таһынан СӨ искусствотын үтүөлээх диэйэтэлин Марианна Лукинаны кытта айар көрсүһүү тэриллиэҕэ. Маны барытын мусуой саайтыгарYouТube-ханаалыгар уонна Instagram-страницатыгар көрүөххэ сөп.

Нуучча тыйаатыра аахсыйаҕа кыттыһан, «Сон в летнюю ночь» испэктээги онлайн көрдөрүөҕэ. Испэктээк сыылката тыйаатыр саайтын сүрүн сирэйигэр сэтинньи 4 күнүгэр тахсыаҕа.

+1
0
+1
0
+1
0
+1
0
+1
0
+1
0
+1
0