Искэни эмтиир диспансерга саҥа тэриллэри ыллылар

Ааптар: 
Бөлөххө киир:

«Доруобуйа харыстабыла» национальнай бырайыак: искэни эмтиир диспансер лучевой диагностикатын отделениетыгар тэриллэри саҥардаллар.

Бу «Доруобуйа харыстабыла» национальнай бырайыак чэрчитинэн ыытыллар. УЗИ-аппарааттар, көһө сылдьар рентген-тэриллэр ыарыы саҥа саҕаланыытыгар буларга көмөлөһөллөр диэн ЯРОД пресс-сулууспата иһитиннэрэр.
Philips фирма EPIC 5 экспертнэй кылаастаах УЗИ-аппараатын оҥорон таһаарааччылар тупсарыллыбыт тэрил диэн бэлиэтииллэр. Диспансер лучевой диагностикаҕа отделениетын медиктэрэ бу аппараатынан үлэлиэхтээхтэр. 4 датчиктаах аппараат уорганы үчүгэйдик көрдөрөр кыахтааҕа этиллэр.
МобиРен-5МТ мобильнай цифровой рентген-аппарат эмиэ кыахтаах диэн ыйаллар.

-Бу портативнай, көһөрө сылдьан туттуохха сөп. Өскөтүн ыарыһах кыайан кэлэр-барар кыаҕа суох буоллаҕына, рентген-чинчийиини диспансербытыгар операционнай саалаҕа, реанимацияҕа, палатаҕа да илдьэн көрүөхпүтүн сөп, — диир диспансер лучевой диагностикаҕа отделениетын сэбиэдиссэйин э.т. Юрий Николаев.

+1
0
+1
0
+1
0
+1
0
+1
0
+1
0
+1
0